؟؟؟
تدري  الوديعه  بالدمع
يالمهدي  والباب وظلع
…………….بعد النبي وغيبته
…وجه الزجيه ينصفع

ينصفع…..  . ينصفع
****************
شلون الرجس يدنه ذهب
……………..معلون شباهه الحطب
يالمهدي اسباب الظلع
…. …………جانت فدك اول مطب

ظلع.. وجرح دفعة باب
………والجاني تدري الاسباب
انحسبو علينه اصحاب
………..والايه  تنشم عطاب

من  راحت وتدري الامر
..ظلت تون  من  الكسر

.والفاكد يحس بالوجع
حتى النده طاح وجزع
…………..ينصفع…….  ينصفع
***************
للمهدي ارفع شكوتي
………………والجاني يعرف من انا
يتعمد يطب عتبتي
………………اعرفهم اصحاب العنا

للمهدي تشكيله ادموع
…………تدري فدك حق مشروع
منعوني ابجي ممنوع
……………والباب يشرح مدفوع

جرهم يمهدي محكمه
تجبر  خواطر  فاطمه

…..احمر وجهه ومنطبع
….والذنب كلي بيا شرع
ينصفع ………ينصفع
****************
مكسور خاطر فاطمه
…………….. بالريه مخنوك الهوه
ظلمه اصبحت يادنيتي
…………..ماشوف بعيوني الضوه
……………….
.كضيت عمري شوغات
………….مابين اه وحسبات
للمهدي ارفع شكوات
…………..امك تجيها بلوعات

والعمر يالمهدي ضاع
جنه الحلم  مر بساع

بالونه  يرتاح  الدمع
يم كبرج نخلي شمع
ينصفع ………….ينصفع
****************
ماتت عمرها اثمنطعش
………………… بليل يدفنها علي
مخنوك من شال النعش
……………..والحسره يمك تعتلي

اتهدم اعليهه الحيل
…………….دمعاته تهمل وتسيل
نسماته راحت والهيل
………………يم كبرج يودع ليل

ظلمه اصبحت بالمحراب
 والشمس  ما تفتح باب
………..بالوجنه اثر جف انطبع
…………ومنين ابدي  بيا وضع

ينصفع………….ينصفع
****************
صارت على داري اجناب
…….. ………….ملتمه ليش عالباب
يالمهدي والاول خان
………………..والثاني اكبر جذاب

 ماتقبل القسمه اثنين
………………لازم نعاقبهم زين
ثار الوديعه  وحسين
………..ماتنشف ادموع العين

يادمعتي تحجي اسرار
من ابجي  يطلع  بسمار
……….
………..انحب وصوتي ينسمع
………..والمنجرح شايف ظلع

ينصفع  …….ينصفع  

***************
يوسف الفتلاوي