مقالات اليوم ٦ ربيع الأول

img

قصيدة في رثاء الامام الحسن العسكري عليه السلام ونسأل الله منا ومنكم القبول.

دنـيــا مـوكـافـي عـــذاب
لاتعذبـيــنـي,,,, مـره أرحُميـني ,,,, خلصت أسنيني ,,,, كـافـي كـافـي
* * *
ليش يادنـيـا أحـس بروحي مخنوك ,,,, وماشفت بس العذاب والفركَه صعبه
آنه ابوصالح الغايب كَلبي محروك ,,,, وهذاابويه العسكري كَضــاهــا غــرُبـــه
عـمــره كَضاه غــريـب
ماكو حُـريـه ,,,, أقـامـه جـبـريـه,,,, وشويـه يـادنـيا ,,,, امن الله خافي
* * *
شنهوآنه عـندي وأنـتي مـاأخـذتـيه ,,,, مابـقه بـس الـدمع يجري بالخـدود
دنيـا لـيش الزين أنتي ماتــرحميـه ,,,, ليش بابـج كل وكت ابوجه مسدود
آنـــه خـلـّصـت الـحــيــاة
روحي مهضومه ,,,, عاشت مالومـه ,,,, كَلـبي بهمومـه ,,,, غافـي غافـي
* * *
لاتـكَلي لـيـش انـتـه عـاشـك الـليـل ,,,, اليحـب الـليل يـعـني كَلبه مجروح
هالعـزيـز الراح مـني ماخـذ الحيل ,,,, راح وانه اوياه جنه روح بـالروح
مـنــه كـلـشـي مـانـسيــت
غالي والغالي ,,,, ساكن ابـالــــي ,,,, يـدري بحوالي,,,, وضرفي ضرفي
* * *
هاعزيز الوالد يابـشـر تعـرفـون ,,,, وآنه ابويه راح مـنعـندي وهجرني
مات بيدي وبيدي غمضتله العيون ,,,, آنه ياعين الأسـدها وهوه ينظرني
بـويـــه يــابــويــه تـعـــال
فركَتك صعبه ,,,, عـايش بـغُربه ,,,, أبـنـك وكَـلـبــه ,,,, والــيـوافـــي
* * *
كَلبي مايـنطيني أدفن نور العيون ,,,, أدفـن آنه روحي ولاابويـه ادفـنـه
من يـشيعونه اصيحن لاتـسرعون ,,,, بهـيده بلله رايد أشبع شوف منه
يالشلـت نـعـش الحبـيـب
أصبر لاتمشي ,,,, خلني بـنعـشـي ,,,, مني راح كلشي,,,, ياحسـافـي
* * *
وسـفه مات الـعـسكري الله أكبـر,,,, مدري ليش الطيب لازم مايعيـش
واليضد الـعـسكري ياناس يـخـسر ,,,, هــذا حـجـة الله ولاتكَلـي لـيـــش
تـخـسـر تـالـيـهـا وتـكَـول
ليش ماحبيتـه ,,,, ليش ماوالـيـتـه ,,,, امامي خليـته ,,,, أله أوافـــي
* * *

لخادم اهل البيت عماد الساعدي العسكري
ملاحضه لمعرفة طور القصيدة او الأستفسار عن شيء اخر يرجى مراسلة الصفحة
ولدينا ارقام هواتف يمكنكم طلبها ببعاثكم رسالة الى الصفحة تتضمن طلب ارقام الهواتف

[2]

قصيدة للملا عطية الجمري

شـمّامة  الـهادي الـحسن يـجذب الـونّه…فـوق  الـفرش و سـموم خـصمه مرّدنّه

ابـنفسه  يـجود و ذاب قـلبه ابحر لسموم…واولاد ابـو طـالب عـليه قـلوبها تـحوم
هـذا يـجر ونّـه وهـذا الـدّمع مـسجوم…وامّـا  الاجـانب غـدت فـي حـنّه ورنّه

كـهـف الأرامـل و الـيتامى والـمساكين…كـلها  عـليه اتـنوح ظـلّت مـالها معين
بـعدك يَـبو مـحمَّد تـرى مـتيتّم الـدّين…حـامي  حـماه ابـهالمرض شـيّال عـنّه

اصـفرَّت الـوانه و ونّـته صارت قصيره…مـاله قـرابه و عـيلته صـارت ابـحيره
وسـفه بـرض غـربه يـموت بلا عشيره…مـا  بـين اعـادي ديـن مـا عدْهم محنّه

غـمّض  الـعين ومـدّد ايده وغابت الرّوح…و  اتْـزلزلت بـس مـات سامرّا من النّوح
وصاحب  الغيبه مْن المصيبه القلب مجروح…ونّــات ابـوه اشْـعبن قـلبه و جَـرحنّه

بـاشر  ابـتَغسيله ابـو صـالح و سـجّاه…و بـالمغتسل بـيده حـما الاسـلام خـلاّه
وجـفّنه  وفـوق النّعش حطّه وصاح ويلاه…اتـشـفّت يـبويه اقـلوبها الـعدوان مـنّا

يـا بـوي إلي تالي الزّمن نهضه و غارات…و اسـتاصل الـعدوان و اسـتوفي الثّارات
مـن يـوم حـيدر والـضّلع و الغاضريّات…والـجـسر و الـلي شـتّتونا عـن وطـنّا

و  الـشـيعته جـابـه لـلمْصلّى وحـطّه…و عـمّه طـلع حـافي بـلصفوف ايْتخطّه
يـظن  الامـر هـذا عـلى الشّيعه ايتغطّه…و لــن الامـام ايـجذبه و يـنحّيه عـنه

و صـلّى عـليه و قـرّت عـيون الموالين…وشـاله  عـلى إيده ولحّده وهل دمعة العين
وقـبّل  جـبينه وصـاح يـا شبل الميامين…ودّعـتك الله وظـل عـليه يـجذب الـونّه

[3]

قصيدة: نور العسكري


بدموع الحِزن يــــا جعفريه

نذكر فاجعه ولوعـه ورزيه

نور العسكـري غاب

بسامَـرّه الگلـُب ذاب

بدموع الحِزن يــــا جعفريه

1

يا رسول الله إلك نرفــــع عزانه

بشوغة الگلب الكئيب وعنفوانه

ندري بدموع الحزن عدنه أمانه

لعترتــك نجريهــا ونبيّــن أسانه

مضمون الدمع يشرحلك الحال

والحسرات مصدرهــــن الدلاّل

والَصَب دمعه ماخاب

بسامَـرّه الگلـُب ذاب

بدموع الحِزن يــــا جعفريه

2

بينك وبيـن الدهــــر ياطـــه يا ثار

حتى بگلـوب التِحِبـَّــك يشعل النار

بدت تشريع الفجايع گــوم الاشرار

بدت من يوم الحصار الصار عالدار

بيوم الطاحت الزهرة الزچيه

ابابك والحطـــــب والناصبيه

فتحَو للوجَــــــع باب

بسامَـرّه الگلـُب ذاب

بدموع الحِزن يــــا جعفريه

3

من هذاك اليــوم يـــــــا طه النوايب

صبّت أعلـــه الآل شَــــلاّل المصايب

وشيفيد اعتــاب لــــو دهــرك نِعاتب

والدهر نفس الدهـــــر للدمعه راغب

مِن سَلـّط طـُغاته اعله الرعيه

صاب العسكري بهاي المسيه

نبّت بالچبـــــــد ناب

بسامَـرّه الگلـُب ذاب

بدموع الحِزن يــــا جعفريه

4

وحده وبعيد الــدرب عن دار جده

ليل كل ساعــات عمـره الي تِعـدّه

ماكو شيعة اليستنـد ليهـا وتِسِنده

والغريب المنسجـن شتلاگي عنده

ماغير الدُعاء ابظلمة الليل

خاطِر منكسِر ومهَدَّم الحيل

ضايع بيــــن أغراب

بسامَـرّه الگلـُب ذاب

بدموع الحِزن يــــا جعفريه

5

شاب مـــــا كمَّــــل ثلاثين ابحياته

يهدي كــل النـــاس چانـت أمنياته

والعجب نـاس الذي تعرف صفاته

راد يهديهــا لچــــــن رادت مماته

گوم المِنهُم التوفيـــــق معدوم

فجعَوا شيعته بالعسكري اليوم

راسه أمن القهر شاب

بسامَـرّه الگلـُـــب ذاب

بدموع الحِزن يــــا جعفريه

زكي الياسري النجفي

الكاتب ya fatima

ya fatima

مواضيع متعلقة

اترك رداً