الشاعر محمد حسن ضیغم, [٠٥.١١.١٨ ٢٠:١٠]
يالهادي يبويه وياضوه عيوني
اون اعليك اهل الذل يمنعوني
ـــــــــــــــــ
انه الحزني يبوالقاسم بنيت الدار
اون ليلي عليك وأون كل انهار
يابويه واخبرك زمرة الاشرار
اروح البيت حزني ما يخلوني
ــــــــــــــــــ
ما يرضون اتعنه وانوح اعليك
مايرضون يالهادي الهج بطاريك
يبو الزهره تضل عيوني تنظر ليك
واجرّح من مسيل المدمع جفوني
ـــــــــــــــــــ
تعنـّوا للوصي وكالوله ياكرار
اذانه ونين الزهره علمختار
لوبس ليل تبجي لو فقط بنهار
اهل الذل اخبرنك يخيروني
ـــــــــــــــــــــ
يابويه تبع لبليس هالزمره
كلهم حقد كصدوا كطعوا الشجره
وغصبوني فدك ياوالد الزهره
ومن ذاك الارث عمدا يمنعوني
ــــــــــــــــــ
امر رب العرش اهل الحقد نكروه
حيدر والي بعدك بويه ماخلوه
وبحبال الرزيه تعنوا وجتفوه
اهل دمعي لما اموتن يريدوني
ـــــــــــــــــــــــ
بعدك دخلوا اعله الدار يالمسموم
عصروني وضلع صدري صبح مهشوم
عليهم ابقه اشكي الربي لاخر يوم
ياربي الثلاثه والله ظلموني
ــــــــــــــــــــــــــــ

الشاعر محمد حسن ضيغمhttps://t.me/kasaedalatharDaygham