وينك يا بو صالح
ــــــــــــــــــــــــــــــــ
كوم اخذ ثارك وثارات اجدادك
الهل وكت سيدي رب العرش رادك
من السقيفه واهلهه تاخذ امرادك
صرخه منك نستمع *** صيح يا ثار الضلع
وينك يا بو صالح
ــــــــــــــــــــــــــــــــ
يمته سيفك يحز اركاب عدوانك
يلّي ثار الضلع ينبض بشريانك
كوم يامن صبح دين الله وجدانك
كوم عجّل بالفرج *** كوم يا نسل الحجج
وينك يا بو صالح
ــــــــــــــــــــــــــــــــ
سيدي وامك الهل ساعه مهظومه
عالسمه انكتبت الزهراء مظلومه
من فدك تدري امك لسه محرومه
كوم رد الهه فدك *** ارض مذخوره الك
وينك يا بو صالح
ــــــــــــــــــــــــــــــــ

الشاعر محمد حسن

وينك يكرار هاي المسيه
هجموا على الدار اتباع اميه
ــــــــــــــــــــــــ
صوت الحزن صاح من ام الحسين
هجموا عليه كوم الملاعين
اصرخ ونادي والدمعه بالعين
رد عني هالكوم يابو الحميه
ــــــــــــــــــــــــ
وينك يحيدر رد عني هالكوم
ضلعي تكسر من العصره مهشوم
جرح بدليلي ضل يدي ملجوم
ونار المصيبه ضلت سريه
ــــــــــــــــــــــــ
زينب تصدلي وتجري دمعهه
وضعي يكرار صدك فجعهه
حسرتهه حسره تلجم ضلعهه
اسمعهه ونـّت من هالرزيه
ــــــــــــــــــــــــ
الباب استعر نار والجمره تسري
وآنه صحت حيل احّا يصدري
دمعاتي عالخد من ضيمي تجري
سطروني عالخد وآنه الزجيه
ــــــــــــــــــــــــ
لذت ابوره الباب حين اللفوني
ودفعوا عليه حيل اعصروني
ومحسن اسمعه يمه ظلموني
تلكيته من طاح ابذني اديه
ــــــــــــــــــــــــ

الشاعر محمد حسن ضيغم

وين الكبر وين مشتاك ازورنها
هاي ام الحسين مشتاك ازورنها
تدروني مشتاك *** مااحمل افراك
ــــــــــــــــــ
جمرات البعد للمحب جتاله
تضل صورة حبيبه ساكنه اباله
وتردد بسمه كل نبضات دلاله
وآنه اعله الزجيه بحاله من حاله
مشبوحه الانضار مشتاك ازورنها
كل عمري محتار مشتاك ازورنها
هزتني الاشواك **** مااحمل افراك
ـــــــــــــــــ
ياهو الي انشده ويرد ليه جواب
مو دمع النواضر فتح مية باب
يالوعة دليلي لوعة الغياب
على الزهره الكلب طول العمر منصاب
من اجري الدموع مشتاك ازورنها
ضل كلبي مفجوع مشتاك ازورنها
الكلبي الحزن لاك **** مااحمل افراك
ــــــــــــــــ
مابين النواضر صوره مرسومه
بضعة طه تبجي وحيل مهظومه
كتب دمهه النزل فاطمه مظلومه
من محسن صفت ياويلي محرومه
تشهد هلايام مشتاك ازورنها
كلبي انمله الام مشتاك ازورنها
ضل دمعي دفاك **** مااحمل افراكم
ــــــــــــــــــــ
من طبع المحب محبوبه يتعناه
وبماي النظر والمهجة يتفداه
روحين بجسد واحد يعيش وياه
وامي الطاهره كل ذاتي ومعناه
صوت الكلب صاح مشتاك ازورنها
ذاب وبجه وناح مشتاك ازورنها
كل جمري حراك **** مااحمل افراك
ــــــــــــــــــــــ
ازورج يمته ازورج يا نظر عيني
ويم كبرج اسمعج لوعة ونيني
اسلم عليج واتنطر تحاجيني
وبيدج للجنان اعرف توصليني
صوت وتردد مشتاك ازورنها
بضعة محمد مشتاك ازورنها
صدر المحب ضاك *** * مااحمل افراك
ــــــــــــــــــــ
الشاعر محمد حسن ضيغم

هذا حالي بغيبتك هذا حالي
ـــــــــــــــ
يبويه الكوم بعدك مارعوني
يبويه وبالحقد عمد اعصروني
لعد داري الاعادي من لفوني
على الخدين يابويه اسطروني
دمعي هالي ياوسف دمعي هالي
ـــــــــــــــــــــ
انه الزهره الزجيه وهذا وضعي
يريت اتشوف يالمختار ضلعي
اونن كل وكت بالنوح وانعي
واغسل وجنتي من فيض دمعي
وني عالي من الالم وني عالي
ـــــــــــــــــــــــ
سكط محسن يبويه ابين اديه
يبو الزهره ولفت ليه المنيه
يريت ابعينك اتعاين عليه
طحت مصيوبه بويه اعله الوطيه
ايوالي بس صحت ايوالي
ــــــــــــــــــــ
تكسر ضلعي والدمعات تجري
وينيران المصيبه ابوسط صدري
يبويه وماطفه لليوم جمري
يبويه بحالتي ياريت تدري
من لفالي هالرجس من لفالي
ــــــــــــــــــــــــــــ
حزينه والهظم غيرلي لوني
اكضيه الليل بس تهمل عيوني
وحك عينك يبويه روعوني
رحت عني بحقدهم حاربوني
والليالي بس قهر والليالي
ـــــــــــــــــــ

الشاعر محمد حسن ضيغم

شمعة الدار

● في شهادة السيدة الطاهرة المظلومة فاطمة الزهراء عليها السلام
● طور : أحزاني تابوت ؛ ملا محمد الجنامي
.
.
شمعة حنانچ فارگت عمرنه
ظلينه بعدچ مشتعل جمرنه

بحزاني ناديت .. يمه يمه
منچ خِله البيت .. يمه يمه
___________

يا بيت يمه ينسكن .. وشمعاته شوفيهن طفن ..بعدچ
مظلم ييمه ابوحشته .. لو تنظرين لحالته .. ابفگدچ

معقوله نمتي بالگبر آيالحنينه
بعدچ زغيره اعله الگبر واتفارگينه
أطفال من بعدچ تظل يمه حزينه

يا حضن من بعدچ يحن علينه
ازغار وحنانچ منه مَرتوينه

يا شمعة الدار .. يمه يمه
ضعنچ مشى وسار .. يمه يمه
___________

چم سالِفه بگلبي بعد .. بيها انهدم من هالشدد .. حيله
مظلم نهار امفارگچ .. شحاله يعيش الفاگدچ .. ليله

بحضني يَيُمه شيلتچ كل ليله أشمها
شحالتها يمه البلصغر ضاگت يتمها
وابعينها شافت بعد ذبحوها أمها

منهو الينشف دمعة اليتيمه
لو حنّت ونار الفگد أليمه

اتشب بيّه جمرات .. يمه يمه
أنفاسي آهات .. يمه يمه
__________

يا يمه ما أنسى الجرى .. حالي تبدل وانبرى .. منه
طفوها يَعيون الشمس .. والنور شوفي منحبِس .. عنه

مقتول شفناه الفرح يمه اعله بابچ
واعيون محسن غمّضت هم المُصابچ
ما أننسى ونات الذبح وخنجر اصوابچ

ابابچ نوايب تحچي واتأذيني
كلما تصد له يالحنينه عيني

يا باب الأحزان .. يمه يمه
ما خله خلان .. يمه يمه
___________

يا يمه وابوگت الصبح .. كل ذكرى أحسّنها رمح .. بيه
واببالي يمه من تمر .. گعداتنه وگت العصر .. هيه

بالمغربيه اتذكرچ واببابچ أنعه
اونينچ وصوت الضلع بآذاني اسمعه
ماغابت ابعيني الصور گلبي تِفِجْعه

كل ليله بابچ يعتلي ونينه
اينادي بعد ما ترجع الحنينه

ما يرجع الراح .. يمه يمه
إنظل ننزف اجراح .. يمه يمه
____________

يا يمه كبّرني الحزن .. ما چني طفله بس أون .. وحدي
مخطوفه شوفي بسمتي .. واللي بُقت بس دمعتي .. عندي

طفله حِنى ظهري الحزن وأعوامي خمسه
كلما يمر يوم الزمان إعليّه يقسه
ودعني يا يمه الفرح وغرّبت شمسه

وچم من مصيبه تنتظرني باچر
انظرهم أهلي بغربة المقابر

كل أهلي يرحون .. يمه يمه
بغربه ينامون .. يمه يمه
____________
تمت بحمد الله تعالى
نسألكم الدعاء لتعجيل الفرج
اللهم عجل لوليـــــك الفـــرج
يــــــــــا أبا عبـــــــــــــــدالله
بقلم : بنت الشمري و فاطمة كريم
١١ / ٢٠١٩ م

طور القصيدة :
https://youtu.be/KQXpbU9k2Hw

الليالي الفاطمية

● طور : روحي جنة الله الكاظمية
.
.
.
عادت .. يا شيعه الليالي الفاطميه
____
عادت يَخِدّامي .. أيام خدمتكم
وابدفتري امن اليوم .. ياشيعه اسجلكم
سَمعوني ابحبي .. اعله امصابي ونتكم

ابدمعي .. ياشيعه انتظركم كل مسيه
_____
كل ليله بالمجلس .. انطركم اتحضرون
وبمدمع العينين .. يا شيعتي اتلطمون
اسمع عزيتكم .. لضلعي مِنِ اتونون

بالباب .. أوگف وأتّچي والله بإديه
_____
نوحوا يَخِدّامي .. وجِبْروني بالدمعه
تِتخفف آلامي .. بالوّنه واللوعه
ومن اسمع الناعي .. لمْصيبتي ينعه

ابضلعي .. يتذكر شهيد الغاضريه
_____
يشفى بعد گلبي .. لو نحتوا اعله حسين
لو صاح واحد آه .. وبيده لطمها العين
وناته تجبرني .. اوحگ كسرة الضلعين

ابدمعي .. ادعيله وانا الزهره الزچیه
_______
أيام مأساتي .. اتصبِّركم لعاشور
ادري انتوا مشتاگین .. لمحرِّم المنحور
للخدمه ولهانين .. والگلب ليها ايفور

أدعي .. ربي ايعودها اعليكم سويه
______
يالمانسيتوني .. هيهات أنساكم
وابكل صباح او ليل .. لمْصيبتي ابچاكم
بالدنيا أنظركم .. وبالآخره اوياكم

غالي .. كل خادم إلي وايعز عليه
______
تمت بحمد الله تعالى
نسألكم الدعاء لتعجيل الفرج
اللهم عجل لوليـــــك الفـــرج
يــــــــــا أبا عبـــــــــــــــدالله
بقلم : فاطمة كريم
١٢ / ٢٠١٩ م
الفاتحة مع الصلوات إلى روح والدي
.
● طور القصيدة :
https://youtu.be/ZM784ER_HN8

مظلومه يافاطمة
ــــــــــــــــ
اندب واهل العين
الحك يخويه حسين
امي اعتناهه البين
طاحت رمية
ـــــــــــــــ
الدار اعتنتهه الكوم
بنار الحقد مظروم
وشفت الظلع مهشوم
ضلع الزجيه
ـــــــــــــــــــ
تتلوه يم الباب
الباب الي صار احجاب
صدر امي ليش انعاب
بهاي المسيه
ــــــــــــــــــ
امي بأ شد محنه
ونه بأثر ونه
حال امي جرحنه
وافرك بديه
ـــــــــــــــــــــ
يا جمرة ال بالدار
يالوعة المسمار
ياسطرة الاشرار
عمّن عليه
ـــــــــــــــــــــ
ما بطلت دمعي
من اسمعهه ضل تنعي
وتنادي يا ضلعي
شعظم الرزيه
ـــــــــــــــــ
امي منصدهه اتنوح
يبقه الدمع مسفوح
وجروحي كثره جروح
ماهن شفيه
ــــــــــــــــ

الشاعر محمد حسن ضيغمـ

مربعة المجلس الحادي عشر
شهادة الزهراء عليها السلام
……
اصيح بصوت يمه ليش عفتيني
ياريع الگلب وياج دخذيني
……
اصيح بصوت يمه ويابعد عيني
فراگج ياحبيبه حيل ماذيني
اشلون اگدر عله افراگج دصبريني
لتظنين يمه يبطل اونيني
…….
يمه اشلون هلالج أظل وحدي
غيرج يابعد گلبي منو عندي
من غصباً دمعتي اتجرح بخدي
اعتبنج لوحدي لا تخليني
……
يمه الروح ماتحمل بعد شوغات
هدم حيلي الدهر واعليه صب لوعات
من اذكر ايامي بس أجر حسرات
انه شبيدي الدهر ياناس واليني
…….
يمه الروح ولهانه شيسليها
عله افراگج يالحبيبه شبقه بيها
فراگج واللّٰه يمه الروح جاويها
ردي ياحبيبه وگعدي حاجيني
……
انه زينب اخذ يالتنشد اخباري
فجعني الدهر حيل وهدمه لداري
من صغري يتيمه والدمع جاري
وهسه افراگ اخوتي بگلبي جاويني
…..
انه زينب يهالتنشد عل حالي
سهم الحزن صوب وسط دلالي
شفت احسين راسه فوگ العوالي
عفته اعله الثره وأنه اميسريني
…..
عفت احسين علتربان واويلاه
ورحت اميسره تاليها ويه اعداه
شيفيد البجي والنوح ويه الاه
گعدي يم حسن يمه ونشديني
…..
الحاجه ام إحسان الخاقاني
صرخه الأحزان ج

يا زهراء مدد

*قسم المنبر الحسيني*
*مجلس وصية الزهراء ع لأمير المؤمنين (ع)*
*الليالي الفاطمية-١٤٤١ هجرية*
*(اختر من الابيات ما يناسب وقتك)*
➖➖➖➖➖
▪المقدمة
▪القصيدة

القصيدة الاولى

لا صـبـر يـابن العسكـري فشـــرعة الـ * هــادي النـبي اسـتنصرت أنـصارها
هــدمت قــواعــدها وطـاح مـنارها * فأقــم بســيفك ذي الفــقار مـنارها
فــالام تــغضي والطــغاة تــحكمت * فـي المسـلمين وحكـمت أشــرارهـا
مـولاي مــاسن الضـلال ســـوى الالى * هـجموا عـلى الطـهر البتـولة دارهـا
مـنعوا البــتول عـن النـياحة اذ غــدت * تــبكي أبـــاها ليــلها ونــهارها
قـــالـوا لهـــا قـري فــقد آذيــتنا * انّـأ وقـد سـلب المـصاب قـرارهـا
قـــطـعوا اراكـــتها ومــن أبــناها * قـــطعت اميّ يــمينها ويســارها
جــمـعوا عــلى بـيت النـبي مــحمدٍ * حــطباً وأوقــدت الضــغائن نارها
رضـــوا ســلـيلة أحــمد بـــالباب * حـتى أنـبتوا فـي صـدرها مسـمارها
عـصـروا ابـنة الهادي الامــين واســقطوا * مــنها الجـنين وأخـرجـوا كرارهـا
قـــادوه والـزهــراء تــعدو خــلفهم * مــنها الجـــنين وأخـرجوا كرارها
والعـبد ســود مــتنها فـاستنصــرت * أســفاً فــليتك تســمع اسـتنصارها
فــقضت وآثــار الصـــياد بــمتنها * يـــاليت عــينك عــاينت آثـارها

القصيدة الثانية

قِفْ عِندَ بابٍ للبتولِ مُسَلِّما
و اذْكُر هناكَ الضِّلعَ حينَ تَهَشَّما

و اذكُر أنينَ الطِّفلِ في أحشائها
لمّا أحسَّ بِعَصرَةٍ فتَألَّما

و اذْكُر يدًا ضُرِبَت و عينًا لم تَزَل
حمراءَ مِحجرُها غَدا يُجري دَما

واذكرهُ إذْ همَّ اللَّعينُ بِرَفسِها
فَهَوَت.. و رُكنُ العالَمينَ تَهَدَّما

أَسَفي عَلَيها و السِّياطُ بِمَتنِها
مَتنٌ مِنَ الضَّربِ الثَّقيلِ تَورَّما

أَسَفي عَلى أيتامِها لَمّا رَأَوْا
فوقَ التُّرابِ جَنينَها قَد أُعدِما

أَسَفي عَلى الكرَّارِ يَشْهدُ رُزءَها
و يَصُبُّ دمعًا مثلَ جَمرٍ قد هَمى

لا لستُ أدري كيفَ أبعدَ كفَّهُ
عَن ذي الفقارِ و أيُّ صَبرٍ أَحكَما

لكنَّني أيقَنْتُ أنَّ السَّيْفَ مِن
كفِّ الأميرِ لِمَن سَيَثأرُ سُلِّمَا

فاطمة رزق

▪ساعد الله قلب صاحب الزمان هذه الايام..هذه ايام حزنه وبكائه على مصاب أمه فاطمة عليها السلام..يزور قبرها.. يغسل القبر بدموع عينيه ..لا ابكى الله لك عينا سيدي

(جفيري)
مهدينه صعبه محنته
بارض البقيع مصيبته
يغسّل گبرها بدمعته
يزور امه مفجوع الگلب

وينادي يا أم الحسن
بيديّه لبنيلچ صحن
وقبة ومنارة للعلن
بيوم الي وعدي يقترب

بِضْلوعي ثارك يشتعل
وذيك الجريمة والقتل
وثار الذبيح المنجدل
الدمه جرى فوق الترب

من الله انتظر الوعد
يصبح مناره هاللحد
قبة ومرفوعه بعمد
والقبة تضوي من ذهب

روضتها ماجت والگبر
أنّتها من ضلع وكسر
تنشد يامهدي الثأر
ضلعي لثارك ينتدب

خادمة آل محمد ✍🏻

▪اسمع الجواب من الزهراء(ع) ..تشكي لولدها المهدي (عج) ما جرى عليها.. تخبره بكسر ضلعها..تگله..

آ يَمَهدي.. كَسَّر ضْلُوعي و عِصَرني
آ يَمَهدي.. جاني وِ بْسُوطه ضُرَبني
آ يَمهدي.. ذَبْني عالگاع و رُفَسني

آ يَمهدي.. ألَّمْ مْتُوني وْهِضَمْني
آ يَمهدي.. تِرضى لو گتْلَكْ شِتَمْني
آ يَمهدي.. عَجِّلِ بْثاراتي يابني

يُمّه يُمّه.. بْغُربِتي وانتِ عْلى بالي
يُمّه يُمّه.. أحْسِبِ لْثارِكْ ليالي
يُمّه يُمّه.. صوْرِةِ الضّلعِ بْخيالي
فاطمة رزق

# اذا خرج مولانا صاحب الزمان أول ما يطالب بظُلامة الزهراء ،وينادي يا لثارات جدتي فاطمة:

*يمن ثارك ثار الله انهض يوسف الزهره*
*مولاي إلك نرفع تعازينا ونجر عبره*

يالمهدي كَسر الضلوع يتنطر يا يوم الثار
عجل بالفرج أظهر لجلك شابحه الانظار
بثار العصره تطالب وخدهها الورمه الفجار
وتِصدح بالملا مولاي شنهو ذنب الزهره•

خادمة أبي الفضل

لا حول ولا قوة إلا بالله العلي العظيم وسيعلم الذين ظلموا أي منقلب ينقلبون والعاقبة للمتقين
➖➖➖➖
نوروا مجلسنا بذكر محمد وآل محمد
▪ *المحاضرة*

قال الإمام الصادق عليه السّلام: لفاطمة تسعة أسماء عند الله عزّ وجلّ: فاطمة، والصدِّيقة، والمباركة، والطاهرة، والزكية، والراضية، والمرضية، والمحدَّثة، والزهراء.. *وسنقف عند بعضها*

ـ *فاطمة*
معناها: القاطعة والفاصلة والحارسة، فهي عليها السّلام تشفع لمحبّيها وتفطمهم، أي تحرسهم من النار، أي تفطم من أحبّها من النار.

ـ *الصّديقة* *المباركة* *الطاهرة*
لقد طهرّها الله تعالى عن العادة الشهرية، وعن كلّ دنس ورجس، وعن كلّ رذيلة.

ـ *الراضية*
‏معناها: الراضية بما قسم الله لها، فكانت الزّهراء عليها السّلام راضية بما قدّر الله لها من مرارة الدنيا ومشقّاتها ومصائبها ‏ونوائبها، وفيما أعطاها من القرب والمنزلة والطهارة، وغير ذلك من المراتب العالية في الدنيا والآخرة.
ـ *المرضية*
*الزّهراء*
معنى الزهر: النيّر، الصافي اللون، المشرق الوجه، وكذلك فاطمة الزّهراء عليها السّ

حسن مسموم يقضي و چبْدِتَه جمره
وِ حسين بْظُهُر عاشور السيف لمنحره يفري

أما الغالية زينب أريدنَّك تِواسيها
لو خيّم سواد الليل باحضانَك تِخَلّيها
مِن تغفى دَ قبِّلها و خلّي بإيدَك اِْيديها
وِامْسَح عالمَتِن بِهداي باچر ينضرب تدري
فاطمة رزق

# آه يا زينب …
زينب جالسه وتسمع وصايا امها ،طفلة عمرها خمس سنوات،والبنت تشتاق اتضم امها،تقبلها،تمسح على راسها:
نعي شعبي:

نادتها أمها والدمعه جريه
تعاليلي اسولفلك هاي المسيه
ييمه لو لفتني اعلوم المنيه
باكر تشوفيني بطف الغاضريه•

خيامك ييمه العده يحرگوها
وبنات حسين عگبه يسلبوها
سكنه ورقيه عالهزل هم يركبوها
وعين الكافل الك بسهم يطفوها•

# بعد وصية من الزهراء
شعندك مولاتنا لمن توصي بعد…؟

أمانة هالوصية
تشميلي رقية
يذبحون الطفولة
بصحاري الغاضرية
آه زينب زينب زينب

بدت رحلة ألمها
بولادتها يتمها
تموت امها يا زينب
وتصيري انت أمها
صوت ينحب ينحب ينحب
آه زينب زينب زينب

اعظم الله اجوركم
وقضت فاطمه نحبها بضلع مكسور.. وخد ملطوم وجنينٍ مسقط وبدنٍ ناحل حتى صار كالخيال

*فاطمة شمعة وانطفت..*
*فاطمة بسمه واختفت..*
*فاطمة لله سلمت..*
*فاطمة فاطمة فاطمة*
أجركم الله ،ثم قام بتغسيلها من وراء ثوبها كما اوصته..وبينما هو يغسلها… تتحملون هذه المصيبه!! واذا به انحنى جانبا” وجلس في زاويه الحجره قيل وضع رأسه بين ركبتيه وصار يبكي ،قالت له اسماء : سيدي لم تركت غسلها؟؟ أوتبكي لفراقها؟؟
*(العمر كله ابكي على فاطمة وكلنا نبكي وياك)*

قال: لا يا أسماء وإن عزّ عليّ فراقها..ولكن هذا الضلع من اضلاع فاطمة مكسور..وجنبها قد اسودّ من ضرب السياط اي وافاطماااه

يا قلب ذوب وهل يا دمعي آه آه
على الماتت وتصرخ يا ضلعي آه آه

# الجفيري
غسلها من فيض الدَمَع
ونادى بصوته المنفجَع
گوموا نودعها بوجع
للراحلة وكلها ألم•

راحت حزينه الليله
للمصطفى وتشكيله
اجتمعت عليها العيله
وهلت دموع من الألم•

امنين أجيب انه الصبر
دلالي ما يحمل هجر
يالراحله بأول عمر
وهلت دموع من الألم•

# مولاي يا امير المؤمنين…
ضلع واحد وهد حيلك ضلوع حسين شتسويلك

# يقره بالحان مختلفه
ضلع واحد صدع قلبك وانت تناظره بحسره
لون بالطف تجي تنظر ضلوع حسين متكسره
دمعك انته يتحدّر يغسل الطاهرة الزهره
ودمع زينب نشف مايه ما تِقدر تهل عبره•

نار الشبت ببابك تظل تسعر برض الطفوف
تحرق للولي الخيام وبنات حسين تفر وتطوف
محروقات العبي وخدور ومثل فاطم صفع وكفوف
ما يكفي بلا كفال مدهوشات تشق اصفوف•

بعد..زينب تخاطب ابيها يوم الحادي عشر..
..ابيات الدعاء واسالكم الدعاء

آيحيدر ..هالخيم بويه اشعلوها
آيحيدر ..العبي هم احَرِقوها
آيحيدر ..متوني مني ورموها

آيحيدر…منهو مثلي يسروها
آيحيدر…بحبل بنتك قيدوها
آيحيدر…دمعتي هم نشفوها

بالامس كانوا معي واليوم قد رحلوا وخلفوا في سويداء القلب نيرانا
نذرا علي لئن عادوا وإن رجعوا
لأزرعن طريق الطف ريحانا

يا الله

*ملاحظة*

هذا المجلس يقرأ في الليلة الاولى من الليالي الفاطمية وينفع في وفاة الاب(مع تغيير للمحاضرة)

➖➖➖➖➖➖

*مجلس الزهراء عليها السلام*
*قسم المنبر الحسيني*
__________

اعظم الله اجوركم يا سيدي ويا مولاي يا صاحب الزمان بمصيبة جدتك فاطمة الزهراء عليها السلام
عظم الله لك الاجر يا امير المؤمنين يا ابا الحسن بمصيبة سيدة نساء العالمين..
السلام عليك أيتها الصديقة الشهيدة المظلومة المقهورة..فاطمة بنت محمد (ص)
سيدي يا رسول الله يا رحمة الله الواسعة هذه وديعتك الشافعة الملطوم خدها المكسور ضلعها المغيب قبرها
احسن الله لك العزاء بها..ببضعتك الطاهرة الزهراء ع،لعن الله الظالمين لكِ سيدتي والغاصبين لحقك والظالمين لبعلك لعنة تدوم بدوام السماوات والارض…

◼القصيدة
النبي المصطفى (ص) في آخر ساعاتٍ بحياته يتوجه الى ابنته الصديقة الطاهرة فاطمة ع مخاطبا

صبراً على مُرّ البلا يا فاطِمةْ
سُرعانَ ما ألقاكِ بعديَ قادمةْ

سُرعانَ ما ينعى السلامةَ فيكِمُ
فقْدي فلا تبقى حياتُك سالمَةْ

يا من لها يرضى الالهُ وعندَها
تهوي الملائكُ من عُلاها خادِمَهْ

إني أراكِ وبابُ دارِكِ مُضرَمٌ
وعليكِ تدْفَعُهُ عُتاةٌ ظالمَةْ

تدعينَ واأبتي فَتجْري عبرتي
أسَفي فما من راحم أو راحمَهْ

آهٍ لآهِكِ حينَ يُسقَطُ مُحسنٌ
غضباً لهُ تغلي الجحيمُ الحاطمَهْ

زهراءُ صبراً إن رأيتِ المُرتضى
بالحبا تسْحبهُ الكفوفُ الآثمهْ

أمضي الى ربي وأنتِ وصيتي
يا شيعَتي فأبكوا الشهيدةَ فاطمهْ

إبنوا بيوتَ الحُزنِ واقضوا عُمرَكُمْ
دمعاً فهذا الدمعُ حُسنُ الخاتمهْ

▪بحر طويل
لسان حال مولاتنا الزهراء ع مع رسول الله (ص)

اه..من غبت يا سيد البريه
رَدِّت اصحابِ الجاهليه
للدار اجُوني شلون جَيه
قدامهم نسلِ الدعيهْ
وراءَ الباب لمّنْ حَسّ الرجِس بيه
عِصَرني وطحت فوق الوطِيه
وقاد بعلي حامي الحميه
والله لن صحت خلو الشفيه
صاح على عبده ورجع عليه
يضربني وانا ادفع بديه

▪لسان حال النبي(ص) للزهراء(ع) و أمير المؤمنين(ع) قبيل شهادة الرسول ص

أوَدْعِكْ يالحَبيبَهْ وَ اخِبْرِكْ بالمُصيبهْ
تِشوفي بْعينكْ الدار حَطَب شاعِلْ لَهيبَهْ

ايْجور ظالم.. ظالم.. ظالم
آه فاطم .. فاطم .. فاطم

يِجي الما يرعى دينه وْ يِهِز سوطه بْيِمينهْ
تِگوليلَه “مُحَمَّد ْ” يِجاوِب هَسَّه وينه!

اعْليچ ناقم.. ناقم.. ناقم
آه فاطم.. فاطم..فاطم

يَ حيدر والوصيّه تِغُض عين الحميه
إذا شفته بيمينه سِطَر عين الزجيه

عوف صارم.. صارم.. صارم
آه فاطم.. فاطم ..فاطم

تِجيني الزَّهره باچر عَلى الونّه تِكابر ْ
تجيني وِ التِّعَدى ضِلِع من عدها كاسر ْ

الموت راحم.. راحم.. راحم
آه فاطم .. فاطم .. فاطم

(فاطمة رزق)

*السيدة الزهراء سلام الله عليها تخاطب والدها*
*{طور الفراق}*

بويه بويه..ريت تنظرني يغالي
بويه بويه..زهرتك مهظوم حالي
بويه بويه..مظلمه عندي الليالي
******
من عفتني..داري وحشه ودمعي يجري
من عفتني..يبو الزهره أنصاب صدري
من عفتني..ريت أنت بحالي تدري
******
داري وحشه..والحزن صوّب دليلي
داري وحشه..بالحزن أندب يويلي
داري وحشه..وزاد عالهادي عويلي
******
ها يدنيا..فاطمه آنه ودمعتي
ها يدنيا..تصعب اعليّه غربتي
ها يدنيا..ذوّبت قلبي محنتي
******
*حنين الدعسكي*

▪ابوذية
الحزن عالزهره يالهادي تراها
يا ريتك حاضر وعينك تراها
عقب عينك هالزهره تراها
ضلعها انهشم يا سيد البرية

لا حول ولا قوة الا بالله العلي العظيم وسيعلم الذين ظلموا أي منقلب ينقلبون والعاقبة للمتقين
➖➖➖➖
المحاضرة

بسم الله الرحمان الرحيم
*اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ نُّورٌ عَلَىٰ نُورٍ ۗ يَهْدِي اللَّهُ لِنُورِهِ مَن يَشَاءُ ۚ وَيَضْرِبُ اللَّهُ الْأَمْثَالَ لِلنَّاسِ ۗ وَاللَّهُ بِكُلِّ شَيْءٍ عَلِيمٌ*

روي العلامة الكُليني عم أبي عبدالله الصادق في قول اللّه عزوجل:(الله نور السماوات والأرض مثل نوره كمشكاة) فاطمة عليها السلام (فيها مصباح) الحسن (ع) (المصباح في زجاجة) الحسين (ع) (الزجاجة كوكب دُريّ)
فاطمة كوكبٌ دريٌّ بين نساء أهل الدنيا.
إنّ الله عزوجل خلق الزهراء (ع) من نوره قبل أن تُخلقَ الخلق تحت ساق العرش, ومن ثمّ أخرجها من صلب محمد (ص) لذلك سُميّت بالحوراء الإنسية.
فقد قال رسول الله (ص) خُلقَ نور فاطمة (ع) قبل أن تُخلقَ الأرض والسماء فقال بعض الناس:”يا نبي الله فليست هي إنسية ؟” ق
فقالَ:فاطمة