(بطور وين الكفين يا سردال الحرب وين الكفين)

ناخِيَة اثنين الليلة لحاجتي ناخِيَة اثنين
يحيى وحسين يِقْضوها لحاجتي يحيى وحسين

ابكوا لثنين ياشيعة وانحبوا ابكوا لثنين
يحيى وحسين ياشيعة تشابهوا يحيى وحسين

انولد يحيى لستة و الحسين لْستة اشهر
و النبي يحيى اقطعوا راسه يويلي من النحر
و الحسين اعظم مصيبة امن العطش قلبه انفطر
شوفوا لثنين و الروس امقطعة و الدم صوبين
ناخِيَة اثنين الليلة لحاجتي ناخِيَة اثنين

ما رأت والدة يحيى جسم ابنها اعلى الثرى
و ما رأت اعظام صدره بالخيول امكسره
و ما رأت شمر الدعي يقطع يويلي منحره
اتشوفه بالعين كريمه ينعزل اتشوفه بالعين
ناخِيَة اثنين الليلة لحاجتي ناخِيَة اثنين 
النبي يحيى اتحرّك و مارضى ينشروا الفساد
و الإمام احسين ضحّى وبذل نفسه للجهاد
ضحّى بالأكبر و جاسم و كلّهم خير العباد
ينظر ليهم أجساد امقطّعة وماله امعين
ناخِيَة اثنين الليلة لحاجتي ناخِيَة اثنين

يحيى ما عاين الطِفله يفْطمه سهم المنية
ما نظر أهله وحبابه امذبّحة فوق الوطية
ما انفجع قلبه على اخته تنادي وينك ياشفيه
اتصيح يحسين دقوم امن الثرى اتصيح يحسين
ناخِيَة اثنين الليلة لحاجتي ناخِيَة اثنين

راس يحيى انقطع و اتودّى للطاغي العنيد
اوراس سبط المصطفى كسّر اضراسه يزيد
حين سمعه يقرأ الآيات و الذكر المجيد
يقلّه يحسين ذهلني منطقك يقلّه يحسين
ناخِيَة اثنين الليلة لحاجتي ناخِيَة اثنين

( لا أجيز حذف الإسم )
✍🏼 خادمة الحسين
ليلى مرار (ام علي العوازم)
الأحد 25 صفر 1440 هـ

[2]

لطميه ثانيه

❣لطمية انبي يحي❣انذبح يحيى وحزوا اليوم نحره
آه واويلي على امدلل الزهراء

انذبح يحيى وحزوا اليوم راسه
قطع للراس الدعي منكسر باسه
ينخي الذباح هوضايع حواسه
سقني أميه ترى هي الجبد جمره

يشبه اللي ابكربلايا حان حينه
فوق رمضا يعتفرحزوا وتينه
والشمر بالسيف ماراعه ونينه
حزة انزاعه اتربع فوق صدره

مات يحيى وموتته تشبه الضامي
ضل وحيد ابكربلا وماله محامي

قطع راسه والجسد خلوه دامي
ولعوجيه ياحسافه وطت صدره

يحيى ذبحونه وضل فوق الوطيه
مااسمعنا وطت صدره لعوجيه
وداسوا المظلوم بقبال لوخيه
واقفه تنظر وهي تجدب الحسره

يحيى صعبه موتته وحسين اصعب
الشهيد ابسهم في قلبه تصوب
حتى قطرة ماي ماخلوه يشرب
امصيبته في كربلا صعبه وكبرى

((تمت ))

لطميه لمصاب يحيى عليه السلام..
آه يا يحيى اومصابه..
آه يا يحيى اومصابه..

امصيبته يحي شديده صار مثل حسين شيعه
عفروه واحتزوا راسه.حالته والله فجيعه
بس مصاب حسين واعظم منذبح ظاني ذبيحه
ضجت السبع العوالي..آه يا يحيى او مصابه….

يحيى مظلوم او مصابه مثل ظامي كربله
بس ما ظل علي الغبره مرمي ماحد غسله
ولا نظر سبعين جثه من احبابه امجدله
راسه شالوه ابفجيعه.اه يا يحيى او مصابه..

ياه مثل حسين او يومه..ظل رميه بالثره
رضو ضوا بالخيل جسمه.والله يغجع منظره..
جاله السجاد او شافه اعظام جسمه امكسره
ياهو مثله بالخلاق.اه يا يحيى او مصابه….

يحيى امصابه رزيه.بس ما قطعوا اكفوفه
ولا بعد ذبحه الاعادي ابنار حرقوا سجوفه
حسين بعد الذبح شيعه.عيلته راحت الكوفه
اه يحسين اومصابه..اه يا يحى او مصابه…

..كريكيشه…

● في مصاب النبي يحيى (ع)
● طور : يبوفاضل
.
.
.
على المذبوح
على المذبوح

على يحيى ومصابه
ومعاناته وعذابه

نهل الليله لدموع
عليه القلب مفجوع

وإله نلطم صدرنه
وعلى شانه حضرنه

مصابه نذكره بنوح
وعليه القلب مجروح

قطع راسه عدوه
بلا رحمه ومروه

وبلا ذنب وجريمه
عليه الحد يقيمه

وظل ايسيل دمه
مثل دم أبو اليمه

لكن مو على ارماح
وايشيل الراس سفاح

ويديره بالميادين
أويلي لمحنة احسين

ولا ذبحوا رضيعه
وأخوه چفه قطيعه

ولا شاب إنذبحله
ويشوف ابعينه چتله

ولا عريس مذبوح
وعليه الوالده اتنوح

ولا حرقوا خيامه
ولا سلبوا أيتامه

ولا سحقوله أطفال
او جسمه ظل بالرمال

ولا أهله سبوها
وحريمه روعوها

ولا فزت ابنيه
مثل فزة رقيه

ولا ماتت له طفله
على راسه تقبله

احضنت راسه وأجلها
دنى إلها و أخذها
فاطمہ كريم
الكويت

((لطميه لنبي الله يحيى))
سيدي يازكريا عظم الله لك لجر
في نبي الله يحيى مات محزوز النحر

احسن الله عزاكم يالموالي بالشباب
عصبة ابليس اقتلوه اوعفروه اعلى التراب
حزوا اعروقه ولاانتوا حاضرينه يلحباب
ليت شفتونه رميه على الغبرى يعتفر

ونبي الله يصرخ والدعي بارك عليه
سال سيفه وسط نحره اه واحزني عليه
وينها امه الحنونه يافعه ماجت اليه
تدفع الملعون عنه لاايحزمنه النحر

من لفى له اوركب فوقه شاهر السيف العنيد
صاح به سقني اميه امن العطش قلبي وقيد
مثل مولانا الظامي ابو السجاد الشهيد
وقت ذبحه ظل ينخي سقني الما ياشمر

قلبه الملعون قاسي ابى يرحم حالته
برك فوقه اوقطع راسه ليت شلت يمنته
ليت امه احضرت عنده اتشوف حالت ذبحته
انكان منها الجيب شقت وانشرت لجله الشعر

قطع راسه اوقام لفه اوحطه ابطشت الذهب
راح به الملعون مسرع لللقصر يخبر اجب
والجسد خلاه مرمي يضطرب فوق الترب
لاوطوا بالخيل صدره اولا اسلبوامنه الازر

للدعي راحوا ابراسه بالطشت مثل الشهيد
مانكث ثغره ابقضيبه مثل لمزنم يزيد
كسر اسنان ابواسكينه اونسوته مثل العبيد
واقفه تنظر افعاله والدمع منها يخر

يحيى بس راحت الاعداء جات اهله شالته
غسلت جسمه اوارات وله ماتم نصبته
لكن امدلل الزهراء بالترايب جثته
ظلت اوماحد تشيم جاه يحفر له قبر
على تلعه كربلايا احسين ظل ابلا لحد
بدل تغسيله اودفنه رضرضوا منه الجسد
اوحول جسمه امجزرين اسباطعش شاب اولد
غير انصاره اوصحبه كلها محزوزه النحر

اوفوق صدره ياخلايق ذابحين ابنه الرضيع
الولد ويا الوالد اختلط دمهم جميع
ساعد الله قلب هاللي شافته مرمي صريع
مشت عنه ابغير والي واتركت له ابلا قبر
تمــــــــــــت

لطميه لمصيبه النبي يحى عليه السلام…
امصيبته يحى فجيعه..بس مصاب حسين اعظم
يحيى ما حرقوا اخيامه.يحيى صدره ما تهشم..

مصيبته يحيى شديده.بس مصاب احسين اشد
يحيى ما شاهد حبايب.ولا فقد يحيى ولد
يحيى ما ظل على الغبره عاري مسلوب الجسد
ياهو مثل حسين ويومه.من وقع راعي العلم…

يحيى ما عاين اولاده.امصرعه ابارض الطفوف
يحيى ما شالوا بناته والستر صار الكفوف
ولا مشت اخته غريبه.حايره ابمدمع ذروف
عالقنا ما شالوا راسه.ولا تغسل جسمه بالدم..

ياهو مثله في مصابه حسين ياهو ابفجعته
من بعد ذبحه الاعادي.ابنار حرقوا خيمته
وعالهزل شالوا بناته.اعناد مروا ابجثته
ماجرى بالكون كله..مثل عاشر بالمحرم…

ياهو مثل حسين شيعه ياهو مثله بالمصاب
شاهد اخوانه او ولده.امطرحه فوق التراب
ظل عله الغبره رميه.ابلا كفن وبلا ثياب
يحيى ما داروا ابراسه.ولا دعي كسر له مبسم..
..كريكيشه…